Read more
"အလွမ်း"
သတိရစိတ်ဆိုတာ
ချစ်ခြင်းကြောင့်ဖြစ်ပေါ်လာတဲ့
စိတ်ရဲ့အကြည်ဓာတ်လေး ။
ဆူညံသံတွေပျောက်ဆုံး
အိပ်မောကျနေတဲ့ သန်းခေါင်ယံမှာ
ကြယ်ကြွေတွေကို ငေးမောရင်း
မင်းနဲ့နီးစပ်ဖို့ ဆုတွေတောင်းမယ် ။
စိတ်ဝိဥာဏ်မှာ အပြုံးလှလှလေးထင်ဟပ်
တစ်လောကလုံးကို မေ့လျော့ပြီး
စိတ်နဲ့မှန်းလို့ နမ်းလိုက်တယ်
ငါ့အချစ်ကြောင့် ချစ်သောပျော်ပါစေ
ငါ့မေတ္တာကြောင့် နွေးထွေးပါစေ ။
ဆုံတွေ့ရတဲ့ တစ်နေ့...
အလွမ်းတွေကိုအတိုးချပြီး
ပွေ့ဖက်ထားမယ်...
မင်းမျက်နှာလေး
အလွတ်ရအောင် ငေးကြည့်ရင်း
မြန်လာတဲ့ ရင်ခုန်သံတွေ ထိန်းချုပ်ဖို့
မင်းလက်ကလေးကိုလဲ တင်းတင်းကြပ်ကြပ်
ဆုပ်ကိုင်ထားဦးမယ် ။
မင်းမျက်နှာလေး ခိုးငေးရင်း
မျက်လုံးချင်းဆုံတဲ့အခါ
နောက်ပြောင်ပြရင်း
အတူတူ ရယ်မောမယ်
နှစ်ယောက်ထဲနဲ့လဲ
ကမ္ဘာတစ်ခု တည်ထောင်နိုင်ကြောင်း
သက်သေပြမယ် ။
ရင်ခုန်သံတွေ နွေးထွေးနေသ၍
အိပ်မက်တွေလဲ အကောင်အထည်ဖော်နိုင်မှာပါ
မျှော်လင့်ချက်ဆိုတဲ့
နူးညံ့တဲ့ စိတ်ခံစားချက်လေးလဲ
ရှင်သန်နေမှာပါ ။
-Jenny-
0 Reviews